पुणे आणि पिंपरी-चिंचवड परिसरात उघडकीस आलेल्या विषारी दारू विक्री प्रकरणाची गंभीर दखल घेत पोलीस प्रशासनाने मोठी कारवाई केली आहे. कर्तव्यात निष्काळजीपणा आणि योग्य पर्यवेक्षणाचा अभाव आढळून आल्याने एकूण 9 पोलीस अधिकारी व कर्मचाऱ्यांना निलंबित करण्यात आले आहे. पुणे पोलीस आयुक्त अमितेश कुमार यांनी हडपसर पोलीस ठाण्याच्या हद्दीतील प्रकरणात 3 अधिकाऱ्यांवर निलंबनाची कारवाई केली आहे. संबंधित अधिकाऱ्यांनी त्यांच्या कार्यक्षेत्रात सुरू असलेल्या अवैध विषारी दारू विक्रीकडे दुर्लक्ष केल्याचा ठपका ठेवण्यात आला आहे. तसेच, पिंपरी-चिंचवड पोलीस आयुक्त विनयकुमार चौबे यांनी दापोडी पोलीस चौकीशी संबंधित प्रकरणात 6 अधिकारी व कर्मचाऱ्यांना निलंबित केले आहे. या